pogramaren laburpena

Hiru eskalatan egin den analisiaren ondorio zuzena da aurkezten den programa. Eskala bakoitzak bere konpetentziak ditu eta Gasteiz udalerri mailakoa gure eskuz kanpo geratu zaigunez, bi alderditan lan egitea da helburua. Batetik, Santo Tomas errekak lotzen dituen Salburua eta Uribarri Nagusia ardatza, komunikazio bide gisa ulertuko dugu, bertan suertatu daitezkeen aisia aukera desberdinak aztertuz eta erabiliz. Bestetik, ardatzaren amaiera den Uribarri Nagusiaren hiri egitura aztertu nahi izan da, etorkizuneko proiektuak garatzeko.